مجنون شيخة
اهلا باالزوار الكرام في منتدى مجنون شيخه مدير المنتدى ابوالعنود اتمنى ان ينال المنتدى اعجابكم

حمد البريدي ياطير

استعرض الموضوع السابق استعرض الموضوع التالي اذهب الى الأسفل

حمد البريدي ياطير

مُساهمة  ابوالعنود في الأحد أغسطس 25, 2013 1:19 am

يا طير حظك لا بغيت تطير ما اضناك المطير
تنطح صلافيح الهوى من هيبتك وتعوقها !!

وش لك بالارض العابسه والظلم والحظ االفقير
بيض الليالي رخت ارشاها .. وقفت نوقها !!

ما فيك لا برقع ولا لك وكر ولا لك جرير
والله لو اني اياك لآشق السحب وآفوقها !!

لا ضاق صدري .. رحت بلحالي وحثيت المسير
وان ضاق صدرك توكر بروس الجبال وفوقها

شامخ ولك هيبه .. ولك سطوه ولك عزم خطير
واليا نويت الصيده الجزله .. قدرت تبوقها !!

اشبهك في غيك وغيك غير واحساسك عسير
بس اختلف وياك .. فالقدره وفي منطوقها

لا جعت مالي غير مالي .. بين زادي والحصير
ولا انت مخلابك .. يقطع صيدتك وعروقها !!

يا ليت لي جنحانك اللي لو بغت وادي عسير
ما ردها منه سوى منشي السحب وبروقها

يا طير .. شفني والله اني من عنا الدنيا كسير
وكسرة جناح العزم .. ما تثنى الطموح بعوقها

سيف القهر مبطي وهو ما فارق اطراف الجفير
وانا علي مرفوق نفس ٍ خاطري .. مرفوقها

احاول اجمع ما بقى لي من امل .. باحساس غير
واكبح جموح النفس .. لو نفسي ذبحها شوقها

انا ادري اني ماني بحاكم بلد ولا أمير !!
لكني آجاري كبار الناس .. واسلب ذوقها

أملك من الاحساس والقدره وتحديد المصير
ما يكفي انه يحل ازمات العرب ووثوقها

لكن حدود العقل والحريه وشوف البصير
كنها تقول الابتعاد احيان .. من منطوقها

ياليت مالي قلب يشعر ويتضايق ثم يغير
ما كان وجهي شحبته الاقنعه وطروقها

عيبي خلقت من الوفا .. بس الزمن ما فيه خير
مثلي مثل ناس ٍ تعيش .. وما توفي حقوقها .
ابوالعنود

ابوالعنود
Admin

عدد المساهمات : 104
تاريخ التسجيل : 20/12/2012

http://shbyly.boardlog.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى