مجنون شيخة
اهلا باالزوار الكرام في منتدى مجنون شيخه مدير المنتدى ابوالعنود اتمنى ان ينال المنتدى اعجابكم

حمد البريدي لحدن يحاكيني

استعرض الموضوع السابق استعرض الموضوع التالي اذهب الى الأسفل

حمد البريدي لحدن يحاكيني

مُساهمة  ابوالعنود في الإثنين ديسمبر 24, 2012 5:40 am

لحدن ٍيحاكيني ترى الخاطر أقصاه


.............. والدمع يا قلب العنا مايطيبك







حتى لو أبكي وش ورى دمعي و ماه


.............. ويلي على أدري ويش قلبي يبي بك







تطري علي والقلب ماجاه كفّاه


.............. غايب لكن غيبتك ماتغيبك







خذيت تلفوني القديم أتقرّاه


.............. ألين فاحت شاشته ريح طيبك







رقمك مسجاتك وصوتك و طرياه


.............. كن الطيوف اقبال عيني أتجيبك







لأبوك يالتلفون ماتسمع الآآآه


.............. في ذمتي أنك صدق ضيعتني بك







متعومس الخاطر وياقلب ويلاه


.............. ماقد ذبحني إلا سكوتك و طيبك







وإلا أنت يا لاهي ولا أدري وش ألهاه


.............. طف ِبوصالك مابقى من لهيبك







ياحبك لقطع المواصيل حباه


.............. قطعت قلبي منك لا قطع صيبك







وسويت في اللي سواتك ماسواه


.............. وأتحملك مهما جرى و أرتضي بك







يا ذابحي ياصبر ذا القلب صبراه


.............. ذبحته بكفك وهو ملتجي بك







بتروح..؟ روح و دربك الله يرعاه


.............. لو أبغى أجيبك أعرف وشلون أجيبك







در في ثرى الدنيا و مثلي ما تلقاه


.............. تبطي عظم ماشفت زولٍ يذيبك








حظ الهوا اللي أتعيش به بس حظاه


.............. لأنه الوحيد الي قدر يختلي بك







أدرى عليك من الهوا و أتحاشاه


.............. وأروف بك و أهيم بك و أعتني بك







لأنك سحاوي و السحى يكسر اجباه


.............. وشلون ماتبغى الهوا يستحي بك







عيبي أحبك لو غرامك معاناه


.............. وأنت الغياب اللي بلا عذر عيبك







أضيق من جفواك و أجرها آآآه


.............. أخاف من غدر الزمان يغدي بك








لو أنك تدري خاطري عقبك أيش جاه


.............. يمكن تنوح الليل و أتطر جيبك







أشره على الحب اللي عطيتك إياه


.............. ملعون حظ ٍ حط ْحبي نصيبك






هملتني بين الأمل و المحاتاه
.............. مدري عدوك صرت وإلا حبيبك ؟
ابوالعنود

ابوالعنود
Admin

عدد المساهمات : 104
تاريخ التسجيل : 20/12/2012

http://shbyly.boardlog.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى