مجنون شيخة
اهلا باالزوار الكرام في منتدى مجنون شيخه مدير المنتدى ابوالعنود اتمنى ان ينال المنتدى اعجابكم

محمد بن فطيس دكتور العيون

استعرض الموضوع السابق استعرض الموضوع التالي اذهب الى الأسفل

محمد بن فطيس دكتور العيون

مُساهمة  ابوالعنود في الأحد ديسمبر 23, 2012 2:49 am

(يامؤمن الريفي )انا جيتك زبون..
.. جيتك على مدح اكثر الناس وعنيت

جيت وتعالى الله عمّا يشركون..
.. لولاه (يامؤمن) لطبك ما اهتديت

راضي بحكم الله علي مهما يكون..
.. عالج عيوني لو بعد طبك عميت

ودي اخاشر فالبصر من يبصرون..
.. واشوف دربي لا سرحت ولا ضويت

والى قنصت اثبت مع اللي يثبتون..
.. واشوف طيري كل ما اوميت ودعيت

ياااكثر ما يضرب خويي (الطابلون)..
.. من كثر ما اكلّته مطباات وكليت

وودي اشوف اللي علي يعرضون..
.. وبعض الليالي ودي اسري دون ليت

وااشوف ناس ٍ فالقفا ما يرحمون..
.. اما وقفت لصاحبي والا مشيت


لكنٌ يا دكتور جعلك ما تهون..
.. ابغيك كلمت راس دامك ما بديت

اسمع......ولا ابغي اللي وزانك يسمعون..
.. ربي كتب يكشف لك اسراري وجيت

صورة عديل الروح عندك فالعيون..
.. واخاف تقطعها بموسك ما وعيت

ولا عليك امر..اطوها تحت الجفون..
.. وعقبه لو تقطع عيوني ما شكيت

هي راس مالي والعرب ما يدركون..
.. اني على باب الممات و ما حكيت

ياقو قلبي يوم قفن الضعون..
.. اللي على ذاك الموادع ما بكيت

ويا صبر صبري والعواذل يحسبون..
.. اني دلهت من الهوى والا سليت

اسكت عساهم من سكاتي يسكتون..
.. وانا عن اللي في ضميري ما انتهيت

وادور الفرحه مع اللي يسهرون..
.. وان ذكروني خذت فنجال وسريت

اخذت من وقتك يا دكتور العيون..
.. عالج عيوني لو بعد طبك عميت

واستر علي واللي معك لا يفطنون..
.. انت الوحيد اللي بعد ربي دريت
ابوالعنود

ابوالعنود
Admin

عدد المساهمات : 104
تاريخ التسجيل : 20/12/2012

http://shbyly.boardlog.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى