مجنون شيخة
اهلا باالزوار الكرام في منتدى مجنون شيخه مدير المنتدى ابوالعنود اتمنى ان ينال المنتدى اعجابكم

حمد البريدي اعذريني

استعرض الموضوع السابق استعرض الموضوع التالي اذهب الى الأسفل

حمد البريدي اعذريني

مُساهمة  ابوالعنود في الأحد ديسمبر 23, 2012 2:06 am

اعذريني !! .. لو ضحكت وضحكتي موجوعه
دامني .. عايش بوقتي بين هم ولوعه !!



ايه .. انا رجال .. لا منه حكى ما جامل
ما يهمش لا حكى في فكره .. وموضوعه


واسمحيلي لو تكلمت بصراحه .. جدا (ن)
عن سخافات الزمن و( العالم المخدوعه) !!



ناس تضحك في مجالسها .. وهي طربانه
والغرير .. اللي فقد أمه .. غريق دموعه !!


الزمن ماهو زمان .. مصفيين النيه
كيف .. والطيبه من قلوب البشر ..
منزوعه



ذكريات الامس .. راحت !! .. والرجا فالمقبل
وكلن يدور على مصلحته .. ومنفوعه


ناس تضحك لك بوجهك .. من تشوفك
والاصح كبودهم من جيتك .. مفقوعه !!


ليه .. لا صار الرجل ماهو يجامل ربعه
اكرهوه الناس .. واولهم .. قريب .. ربوعه !!


وليه لا منه حكى صادق محد يسمع له
والكذوب وهو كذوب وكلمته ..مسموعه


شي لا يمكن عقل يستوعبه... والاغرب !
انها عند العرب .. فاتورة (ن)مدفوعه


صارحيني بالحقيقه .. حتى لوهي .. مره
واخمدي نار النزاع بحيرة (ن) مفجوعه


ريحيني .. وانطقي لي كلمة واحيده ..
وقولي (احبك) .. ترى نفسيتي مفزوعه !!


واسمعي ياللي خذيتي الفكر مني كله
ثم سكنتي وسط قلب .. المهتوي ..وضلوعه


ما عشقتش يا هواي إلا وانا مختارش
فاعشقيني واعشقي رجل فريدبنوعه !!


واتركيني اكتشف بش نظرتش وأبعادش
يا براءة الاختراع بداخل الموسوعه


آه يا عمري لو انش من بنات اعمامي
كان في .. ذمتي ذمه ..ان قدش مقروعه !!


ان فقدتش ما يعوض غيبتش انسانه
وان لقيتش تعزف اللهفه لنا مقطوعه


عانقيني واحضنيني في دفاتش ساعه
الزمن بارد .. وقربش منتهى في الروعه !!


سلسبيلش شهد .. والرقه تثير اسلوبش
مايعه والاقرب .. انش ناعمه ..
ميووووعه



فاتركيني في سكاتي واستبيحش عذرا
لو دخلت بهالطريقه .. اللي ,, لا
مشروعه !!



واعذريني لو رأيتيني .. كذا .. متهور
ما اقدر استحمل جمال .. الترفه .. (الدلوعه)


ماني مصدق عيوني !! .. لو اشوفش فيهم
لين يشبع بي الغرام .. اللي طفش من جوعه


حمرة خدودش .. ليا ناظرتها توحي لي
كنها حمرة خدود الجاهل المصفوعه !!


يسعد الله لي صباحش ,, واولوية حاجه
لا سقيتي بالمرشه وردة (ن) مزروعه!!


ويسعد الله غرفتش .. وعيونش الذباحه
والسرير الوردي .. وترتيبته ..وشموعه !!


وكتبش المتناثره ومبعثرات هناك وهنا
والورق .. والعلك .. والسماعه المرفوعه


والعطور اللي على تسريحتش واغراضش
والهدايا والصور... والتحفه
المصنوعه



ولا انتهى اليوم الطويل وانتهت ساعاته
نبتدي نقراء بقايا ( القصه الممنوعه )


لاقتربتي واقتربت .. وذبت وانتي ذبتي
واشتهي الضامي .. شروب الماي من ينبوعه


ايه .. آحبك واعذريني بآتعدى حدي
يمكن ان وقتي تركني .. خارج المجموعه


مشكلتي .. آقول ما في خاطري والمعنى
واحد (ن) عفوي ولا هو يستعير
طبوعه



فقولي آحبك .. وانا بعد بقول آحبش
واحفظي لي ذكريات .. ( القصه الممنوعه )

ابوالعنود
Admin

عدد المساهمات : 104
تاريخ التسجيل : 20/12/2012

http://shbyly.boardlog.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى